One ca ulung wae teku data Mano manga ca pong. Ngasangn Pong Dode. Danong Pong Dode hitu keting keta lata kafir, landing le cengit keta bail. Lut tombo agu imbi de rud ise ata Mano, ceing ata ngo one pong hitu, toe te toe ata hitu paka matay. Agu omo ngo one baling pong hitu, neka cako can haju. Omo ceing ata cako haju, hia hitu beti kole.
Lut imbi data Mano, one pong manga do darat agu kaba de darat, kaba bakok agu ca kode balo. Agu one pong hitu nete-neteng leso ngai taung nus api. Jari hitu nus api de darat lut imbi data Mano.
Lete cengka sekola one Mano, ise tombo agu tuang Yansen. Ca leso ele gula, Tuang ngo one pong hitu ba agu wae berkak kudut mber sangged jing da’at, lut imbi data kafir. Lete tuang poli wewas wae berkak one hitu agu tuang susung anak koe sekolah kudut poka sangged haju one pong hitu. Agu ata kafir rantang keta. Agu gereng lise pisa leso cala anak koe sekolah ata ngo one hitu matas. Neho rapang ca minggu behengn. Toe manga jari apa-apa. Ata kafir imbi tu’ung agama serani. Maik ca ntaung poli hitu ata iwod ogo koles te ngo senget ajar de guru agama.
Sumber: Manggarai Texts, Propinsi SVD Ruteng, 1978
Tidak ada komentar:
Posting Komentar