Tombo tara mangan Rana Mese

Tombo tara mangan Rana Mese

Tombo rani taud Rana Mese agu Rana Hembok. One danong sano Rana Mese toe danga mesen. Maik sano Rana Hembok mese da’at.

Ca leso, ise te sua kudut rampas taud. Rajan rampas dise te sua situ, ai tae de Rana Hembok: “Aku rajan latang kudut perenta hau”. Maik tae diha sano Rana Mese: “Toe hau, aku kali raja”. Mai tae diha Rana Hembok: “Neka perenta le hau sano Rana Rawuk, Rana Ka. Agu sangged ro’eng Mandu Sawu, Tado Walok, Kasi Teno, Ngando Lawa agu Nggolong Tede. Sangged situ paka perenta laku taung”. Tae de sano Rana Mese: “Toe nganceng le haus perentad. Paka laku taungs perentad”. Poli gangga hitu, hitu mangan rampas tau, lete leso rampas taud.

Ca leso, cai one ruis sano Rana Mese sua taud ata manusia tu’ung, one mai beo Mano. Ata sua situ kole kawe wua. Ise weleng, toe pecing kole salang. Mai tae data darat one mai sano Rana Mese: “Mai keta nemaid ite ta, keraeng?” Wantil dise: “Ami one mai beo Mano, ata kole one mai puargm”. “Campe koe ami ta, keraeng,” tegi data darat situ. “Kudut te co’o, keraeng?” wantil dise: “Kudut rampas tau agu darat Rana Hembok keraeng,” tae diha. “Di’a keraeng,” tae dise.

Poli hitu wangka rampas taud ise. Korung dise, one mai tuna. Agu wokat one mai kuse. Woko peke le darat Rana Hembok ise ata Mano le tuna agu le kuse, toe manga beti cekoen one weki dise. Agu sangged tuna ata peke dise ndapu lise pati sua, latang te hang dise. Woko ise ita pande data Mano situ, rantang ketas ise. Beheng ge wa rampas dise, taungs tuna de darat situ. Ata Mano sua tau sio, paki keta taungs darat sano Rana Hembok. Itu tara toe mesen Rana Hembok dengkir agu te ho’on. Ai poli rudu de Rana Mesen danong. Agu du poli rampas hitu ata Mano sio, tei wina le darat gici cad. Wiga sangged ata Mano danong, pecing janto keta taungs.

Sumber: Manggarai Texts V, 1978