Manga Pitud anak lalo ka’eng one ca mbaru. Ca leso mai nitu Empo Weu. Empo Weu hitu jera agu pitu anak lalo situ, kudut tuk woja te hang diha. Ai hia darem, agu anak koe situ darem ketas ga. Empo hitu ka’eng le kecaka. Poli hitu ise tuk woja de empo hitu. Woko loeg one ga mai tae dempo hitu: “Polig daku tuk ko?” “Ho’o de wangkan-o, ite.” Woko polig tukn lise woja hitu ga, mai tae de empo hitu: “Polig daku tuk ko?” “Ho’od reme loen-o, kraeng.” Kali po teneng ge lise. Woko mame gi, mai tae de empo: “Polig tukn ko?” Kali po hangg lise hang hitu ga. Woko polisg hangd ga, itu kali puci one losangd anak koe situ ga. Benta kole le empo hitu, toeg wale le anak koe sio. Poli hitu hia ngo silin. Cai sili hia emi kaut losang hitu. Bas liha anak kose situ one mbaru diha. Remet lakon hia anak koe situ pa’u-pa’u mole-taung. Cai one mbaru lelo nggo’os liha, toeg manga anak koe situ. Reta-retangy kali ca anak koe ata puru keta kanang wekin.
Poli hitu
hia ngo tulur kole anak koe situ. Itas liha anak koe situ eta lobo haju keta
taungs ga. Mai tae de empo hitu: “Jaga sale.” Rantang keta anak koe situ. Remet
congan hia wa mai, cebu lise eta mai nggurus so’ot cebuku. Poli hitu hia wa’u
kole wa. Mai kole tae danak koe situ: “Conga kole, empo, kudut ina de.” Conga
kole hia, cebu kole eta main nggurus so’o. “Tente sale watu lolot ritim, empo!”
Tente kole liha, wegak keta laing sua wekin o’o. Nai nggituy matan.
Sumber: Manggarai Text V, Propinsi SVD Ruteng, Tahun 1978
Tidak ada komentar:
Posting Komentar