Pande Compang Ruteng

Lut tae data tu’a: compang Ruteng pande le darat. Lete empo dami mai pe’ang main, weta diha wai agu darat sale mai Gili-Banta. Darat hitu mai agu winan. Dade taung agu rutung. Nenggitu empo dami jera ise pande compang. Mai tae de darat hitu: “Na’a pe’ang taung ngkiong-ala = acu one mai beo.” Rutung situ elong waktu, darat ata tenan. Poli panden sangged like, pande kole paran telu (tempat melihat musuh). Darat hitu mai rei : “Kesa!” “Co’o kesa.” “Pande haeng len ko?” “Eng,” tae de empo dami. Reme nenggitun ang acu. Tae de darat hitu: “O kesa, kali manga kin ngkiong-ala. Ami kolekm ga. Ami rantang keta.” Tae de wetan: “Hang le hau mina ho’o.” Hang tu’ung le empo daku kali mina rujung. Ali hang mina rujung emo dami, wa’u dami kanang ata lelakn lata. Dengkin te ho’on ami toe hang rutung. Hitu mawa, ai poli pande compang Ruteng le rutung.

Sumber: Manggarai Texts V, Verheijen, SVD, Propinsi SVD Ruteng 1978