Poco Likang

Danong, Poco Likang hitu toe manga ngasangn. Wa wa’in poco hitung manga ka’eng atan. Ca leso ata hitu ngo kawe watu likang. Sua leso moleg musi main toe kin ita watu. Leso hitu manga ca ata kole eta mai poco.

Mai rei data hitu: “Ole kesa, ata co’o keta tara dangon ranga de hau?”

Wantil data hitu: “E, kesa, pisa moleg leso musi main toe tara ita watuk-e”

“Watu apa leng kawe de hau ta?”

“Ole kesa, toe manga reok uted ise wetan-e”

“Co’o rajan ta?”

“Toe manga watu likang, kesa.”

“Ole, hitu kaut rajan tara toe reok ute dise enu ko?”

“Eng pe ta, kesa. Co’o de’it leng le hau ine-wai o’o. Kesa, paka lorong keta pe ngoeng dise. Eme to le hau, toe laong mamed ute”

“Hitu kaut rajan dise enu ko! Toe raja mese hitu ta! Eme geong watu likang, eta golos watu do”

“Delek keta eme nenggitu ta, kesa”

“Co’ot wili ga, ngo muingt ko?”

“Delek eme ngo muingt ta, kesa”

“Aeh, ta kali eme nenggitu ge. Ta kali ga”

Cai eta poco pili watu telud diha, telug de kesan hitu. Nekid enemd watu likang. Du cai wa, ise tei ngasang poco hitu Poco Likang. Agu paki ca ela te ngasang poco hitu.

Sumber: Manggarai Texts, Propinsi SVD Ruteng, 1978